Job 34:20-25

20 ^aWanakufa ghafula, usiku wa manane;
watu wanatikiswa nao hupita;
wenye nguvu huondolewa
bila mkono wa mwanadamu.

21 ^b“Macho yake yanazitazama njia za wanadamu;
anaona kila hatua yao.

22 ^cHakuna mahali penye giza nene, wala uvuli mkubwa,
ambapo watenda mabaya wanaweza kujificha.

23 ^dMungu hana haja ya kumchunguza mtu sana,
ili apate kuja mbele zake kwa hukumu.

24 ^eBila kuuliza huwapondaponda wenye nguvu nyingi
na kuwaweka wengine mahali pao.

25 ^fKwa sababu huyaangalia matendo yao yote,
huwaondoa usiku, nao wakaangamia.